2008年2月22日 - 2008年2月29日 奧蘭多八日七夜"不再"輕輕鬆鬆之旅!!!
2008年2月22日 - 第一日
這是第二次使用渡假會籍了，今次是早在上年年初已經 plan 好，幸好現在可以隨時放假，否則，難矣！
一早八點鐘出門口，好少可唔使左催右催，因為今次 LYDIA 第一次搭長途機，怕 JET LAG，所以成晚都唔敢訓，攪了整晚．我？一於好少理，訓番四粒鐘先講． 開車到機場停車場二號場，呢度泊三日要二百蚊，之後每日七十，八日計埋只而需五百五十蚊，OK 啦．由二號場行去 TERMINAL 1，大約十分鐘，唔算辛苦，不過係要又上一層又落一層． CHECK IN 既時候，櫃台既航空公司職員先同我地講，NEW YORK 果邊因為落雪，原定搭去奧蘭多既四點鐘飛機取消了，被轉了去第二日的下午五點的飛機，當堂鼻哥窿都無肉！以為要係 NEW YORK 度過一晚 ( 雖然可以 CLAIM 保險公司 )，但係 NEW YORK 鬼咁凍，我地一件厚些少既衫都無帶，好在三點半既機仲有位，係就係趕一些，兩點幾降落之後唔知趕唔趕到，不過到時先算啦． CHECK IN 完，去了食早餐，最慘麥記收了皮仔，剩番大檸樂同 BURG+KING，諗住大檸樂都應該 OK，但係見到果度既早餐好似唔係咁新鮮，自己靜靜雞走去買 BURG+KING 既包包做外買，LYDIA 就買了大檸樂既芝腿治，見到果份硬賓賓既三文治，真係難為了她．一句講曬，無 HEART！
最慘仲係旁邊坐了幾個 HOMO，本來都唔係話歧視佢地，但係剛剛佢地有幾個好自私，真係無曬心機，食完拿拿聲走去入閘．
上了機，我地係坐路口，窗口個位未有人坐，好好彩的，最後三個位都係我地坐曬，LYDIA 可以打橫咁訓覺，你睇．．．佢訓得幾舒服！
)
)
)
USD$ 0.95 一件．
上到去 ORLANDO 既機，好慘坐係後面係班癲友，幾個美國佬，每個都成四五十歲，成程機係咁大大聲講野，笑又大聲，都唔知會 DISTURB 到其他人既，降落既時候，仲大叫 " MICKEY，I AM COMING！"
真係完全投入放假既心情．
取回行李，去買 MEAR 車既車票，條隊六七個人，好在我醒目，一早係 WEB 度訂了票，係部機度 SCAN 一下個 BAR CODE，即刻出票，快到爆炸．
)
手上既黑色一舊野是什麼？估唔到，佢其實係一個 CALL 機，召集機，到時到候佢會係咁震係咁響，叫你上車．點解設計得咁大舊，斷估係大舊 D，客人唔會帶走埋．
坐了大約四十五分鐘，就到達我地既目的地 - ORANGE LAKE RESORT．
呢度大到不得了，行？NO WAY．一定要坐 SHUTTLE BUS，佢地仲特登搵 SECURITY 既車送我地到住果個單位，住既房基本上唔係房咁簡單，係 APARTMENT，有廚房，廳，廁所，露台，乾衣，洗衣機，仲有洗碗碟機o忝，
真係一間屋．．．
)
晚餐係 RESORT 裡面既 RIVER ISLAND 既餐廳食飯，USD $50，好大碟呢，好在 APARTMENT 有 MICROWAVE，可以打包留番聽日食．．．
等我地既美少女導遊介紹一下屋企既佈置啦．．．
2008年2月23日 - 第二日
本來較了鐘朝早八點半的鬧鐘起身，周圍逛下，點知個鐘半夜停了，好在用房間的鐘較了九點．個鐘十足十西片咁，響既時候，鬼殺咁嘈，當堂醒曬．
早上起床的時候，才發現原來露台外面對住 GOLF 場，好大，好舒服，一片 GREEN 的．)
)
呢度都好郊外下，隨時見到好多少動物．
)
睇下時間表，原來十點五分有車去 DISNEY WORLD，急急腳坐車去 CLUBHOUSE 等車，但可惜，原來一定要預約，仲要兩個鐘頭前 BOOK，唯有改約下午三點啦，不過唔緊要，因為今日係星期六，DISNEY WORLD 十點先放煙花，十一點先關門，都無咁趕．
訂完車之後，去了 RIVER ISLAND 食早餐，果度有間 STARBUCKS，仲有個 SPLASH LOUNG 既泳池，又有 SHOPPING MARKET．)
食完早餐去行了一下，買了些東西便返回房間準備午餐，)
呢度既生活好舒適，住呢度既人會打下 GOLF，游下水，跑下步，渡假乎．
三點幾，坐 SHUTTLE 去 DISNEY MAGIC KINGDOM，大約四點鐘，終於到達目的地，其實落車既地方，只不過係一個叫 TICKET AND TRANSPORTATION 既中心，要再坐十分鐘列車或者船先可以到達 KINGDOM 入口，CAST MEMBER 係入票處左邊，不過，LYDIA 張卡入唔到，要先去右邊的 GUEST RELATION 換張入場票，
)
入場仲要掃埋手指紋，誇張到．．．
入到 PARK，基本上同香港一樣，當然 SIZE 除外啦，所以無怎樣玩過，係買野多一些．
)
)
一入到 PARK，就見到隻雞雞，當然走去影張相，這也是唯一一張係呢度影既卡通動物．
)
)
因為 LYDIA 的關係，入場完全唔使錢，開頭諗住買野可能無 DISCOUNT，好彩問一下，原來都有折，買都買得開心點，不過係他們既 SYSTEM，係沒有香港的，好彩俾我地撞下撞下，知道點樣教佢地搵到香港，又要用加州，又要用 BARCODE SCANNER，係煩一點，但可以拿到 DISCOUNT 喎．．．
因為星期六關係，個 PARK 會開到十一點，真係行到腳仔軟，無曬精神．不過呢度最特別都係晚上的巡遊，個 PARK 熄曬燈，全部花車同 CAST MEMBER 都係著燈，好靚！
)
係等巡遊的時候，間唔中都有班 CAST MEMBER 走出來，同小朋友跳下舞，玩下，見到有個鬼妹仔，好得意，特別係佢手拿著兔仔公仔同埋包薯片．
)
回程坐船回到交通中心等 SHUTTLE，LYDIA 已經累到．．．訓著了．)
好慘，仲要等半粒鐘 SHUTTLE 先會到．終於夠鐘了，卻發現原來等車的地方不是原先來的地方，又要走一段路，累透了 LYDIA．返到 RESORT，已經十一點半，SHUTTLE 已經收皮仔，唯有 CALL SECURITY 既車啦．
返到房既感覺真好，我仲搵了個垃圾桶改成熱水浸腳仔，舒服曬．．．)
2008年2月24日 - 第三日
朝早原本約了七點四十五分去 RESORT 個 TOUR，點知話一定要兩個人一齊，唯有改星期二啦，一樣時間．．．又要辛苦 LYDIA 啦． 不過都唔知個 TOUR 講什麼，可能係介紹呢個 RESORT 啦，CHECK IN 既時候都無問清楚，淨係知道付了 USD$20 做 DEPOSIT，佢話去完個 TOUR 會回番果二十蚊俾我地．
晨早四點幾，俾 LYDIA 既笑聲嘈醒，她咭咭既笑聲，笑到震曬，維持了差唔多兩分幾鐘，仲以為她扮笑的呢，即刻起身用手機拍低短片，等佢睇番自己個樣．她還笑著說：老公仔係傻瓜黎，呢Ｄ唔食得架． 好在係因為夢見我而笑，唔係都唔知好嬲定好笑．起身同佢講，佢話係因為發夢我地去了一間茶餐廳，果度有好多的麵包，個個都好大個，見到我食大包個樣，笑到停唔到．
這裡朝早的空氣很好，沿路很多人跑步，)
我也一樣跑到 RIVER ISLAND 買早餐，又是 STARBUCKS 的 MUFFIN 和牛角三文治，因為太好味了，雖然是貴了一些，要成十二蚊美金．
今天的行程是 SHOPPING，因為這裡有出名的 OUTLET．早上坐 SHUTTLE BUS，第一站是 PREMIUM OUTLET，最熱門的當然係 NIKE FACTORY OUTLET 啦，)
呢度好大，鋪頭買既野雖然唔係最新的，但沒關係，最緊要都係有折，買得好開心（遲 D 找數就知味道 )．買了很多平時想買但無買既野，NIKE FACTORY，KENNETH COLE，POLO，ADIDAS，LEVI'S，REEBOK，WILSON LEATHER，CONVERSE，總之好多喜歡的牌子都有．
中午係果度既 FOOD COURT 食 PIZZA，)
食完後急急腳去搭 I RIDE ( 巴士 ) 到另一個 OUTLET - PRIME OUTLET，因為係之前果間 NIKE OUTLET，好多時候得番 XXL，款又少 D．
坐了四十五分的車，終於到達 PRIME OUTLET，沿途經過 SEA WORLD，好想玩的水上樂園，可惜時間唔夠，去到 PRIME，呢度仲大，行得幾辛苦，不過好在 NIKE OUTLET 有多 D 碼，買了好多既網球衫同褲，
算不枉花大半合個小時的車程，LYDIA 仲貫到她喜歡既 CONVERSE 鞋．
四點十五分，又要急急腳坐車返之前的 OUTLET，因為約了 SHUTTLE 五點四十五分，好彩趕得切臨走之前，去買我的 KENNETH COLE 皮帶，時間剛剛好． 返到房間成個人散曬，問工作人員話附近有間可以買日常用品既店 PUBLIX，點知如果五點後的話，SHUTTLE 唔經，要自己行十五分鐘，算啦． 最後還是去了 RESORT 對面的藥房，原來唔係藥房咁簡單，係超級市場才對呢，老婆仔又可以 SHOPPING 啦．
結果，我地買了很多用品，她買了很多香味的 LIP STICK，我都唔差，買了幾支防曬既 STICK，仲有很多的零食作手信，仲有我喜愛的 JELLY BEAN，晚餐也是買回房間玩煮飯仔．
)
睇下今日既戰利品，很豐富的呢．．．)
)
2008年2月25日 - 第四日
)
)
)
)
坐車二十分鐘，便到達目的地，)
個 PARK 九點鐘開，因為係星期二的關係，不是很多人，至少唔使衝入去取 FAST PASS，不過我都有走入去，拿了遊覽森林的一張 FAST PASS．
這裡感覺很新鮮，跟 MAGIC KINGDOM 的很不同，花花草草，很多的飛鳥，有水鴨，有鶴，又有松鼠仔，周圍走來走去．
)
)
同 LYDIA 入了去玩機動遊戲 DINOSAUR，以為係簡簡單單的遊戲，點知．．．原來係幾激既，攪到 LYDIA 無眼睇．
)
)
行完恐龍館，食 lunch 既時候，又出現史前既恐龍，快 d 影低佢．
)
成個 PARK，印象最深刻，都係個野外森林歷險 WILDLIFE EXPRESS，坐住架車，係個森林度，見到很多的動物，最興奮莫過於見到隻獅子懶洋洋的曬太陽，仲要打開隻腳，好似 Q 仔訓覺果個樣，
唔知 Q 仔而家做緊什麼呢？
)
)
仲有玩了類似激流旅程既遊戲，好在早有準備，帶了雨衣，全身由頭至尾包到實一實，才可以幸免濕透．
三點幾，坐 SHUTTLE 去 MGM STUDIO，呢度既感覺很不同，好似電視台的佈景街，不過這裡是荷里活而已，
)
)
看了 BEAUTY & THE BEAST，)
仲有幾個街頭表演，)
幾好 FEEL．
晚上七點有一個叫 FANTASMIC! 既 SHOW，早一個鐘頭到為了霸位，要等成粒鐘，唯有食下野頂住肚啦．
)
有水幕，又有 LASER 表演，睇下點？
睇完了，個 SHOW 係就係好精彩，不過同迪士尼 KINGDOM 既煙花差唔多，只不過係用水幕放片，
)
唔算怎樣特別，仲要人早六十分鐘走去霸位，當然，準時到的人只可以坐最邊既位置，睇唔到最精彩的部份．不過，我地未完
已經走了，因為還有一些 ATTRACTION 未玩，早走早去玩啦．
)
入了去買 STARWAR 的店舖，裡面有各樣的面具，係咪好型呢？
)
呢度最多的是 SHOW，小魚仙的都幾特別，跟日本 DISNEY SEA 的小魚仙完全不同。睇完 SHOW 已經八點幾，想去 NEW YORK STREET 度行下都已經收了皮仔，
硬住被人趕都要影兩張相交差．
)
返到房十點左右，先發覺有點肚餓，房已經無曬急凍食物，只剩低一點的乾糧，早抖！第日又要七點起身，去 JOIN 個唔知是什麼的 TOUR．
2008年2月26日 - 第五日
之後，他帶我們去睇示範單位，講真，真係好正！裝修又正，地方又大，可惜，唔係我杯茶而已。他見到勢色唔對，越來越寸，話我地無非都係想快點拿 COUPON 就走頭， 他說個 TOUR 一定要一個小時，FINE，我無所謂，還掂安排去 UNIVERSIAL STUDIO 的車是九點三十五分，應該時間剛剛好，而且我 JOIN 個 TOUR 的時候，根本唔知道是什麼， 還以為是帶我們坐 GOLF 車仔遊一個圈的 TOUR，什麼 COUPON 我都唔知．不過，最後，一連串的 NO NO NO，他也得妥協，退番 DEPOSIT 果二十蚊，還有給我們 COUPON， 原來是有成四十元的 CASH COUPON．．．走之前，撻了兩個香蕉味 MUFFIN，諗住真係 MISS 架車都算唔會蝕本．之後，諗住坐門口的 SHUTTLE 去 CLUBHOUSE，點知係唔得， 只可以去番接待處，要另外幫我們叫部 SHUTTLE 前來 PICKUP 我們，攪下攪下，距離去 UNIVERSAL STUDIO 既預約時間越來越近，死啦．．．MISS 既話要到下午先至有車．
終於上了車，到達 CLUBHOUSE 的時候，已經是九點三十八分，遠遠見到有架 SHUTTLE 開走，馬上落車截住佢，真的好彩，剛剛上到車，否則要投訴 TRUMP TRUMP． 三十分鐘的車程，終於來到 UNIVERSAL STUDIO 了．
這裡有兩個 PARK，一個是 UNIVERSAL STUDIO，另一個則是 ADVENTURE ISLAND．睇過介紹，都係 STUDIO 多野玩，又有 MUMMY，又有 MIB，又有大白鯊，T2/3，
都係玩 STUDIO 先．
)
)
第一個目的地，當然係 LYDIA 最喜歡的 MUMMY 啦，唔理三七二十一，將背囊放入 LOCKER，然後沖入去玩，好巧合的分配的 LOCKER 號碼，同我生日一樣，
)
玩完之後，LYDIA 嚇到腳仔軟，原來 MUMMY 是機動遊戲，你睇張相就知佢有幾驚．
)
係 MUMMY 門口，有兩個人扮 MUMMY 裡面既 CHARACTER，好型，)
)
SHOP 裡面仲有頭套買，你睇我地兩個皇帝皇后 LOOK，正唔正？
)
)
呢度有個地區叫 NEW YORK，同 MGM STUDIO 裡面既 NEW YORK 差唔多，所以，即刻係呢度影番夠本，果然，好有 SEX & CITY 個 FEEL．
)
)
)
)
咦？呢張相裡面有個街頭露宿者？
)
呢度有好多荷里活既 CLASSIC 怪物，好似科學怪人，)
仲有個叫 HORROR MAKE-UP 既 SHOW，)
幾過癮，佢仲會邀請一個觀眾上台一齊玩，又表演切手，嚇到佢同我地呱呱叫．
)
呢度中間有個湖，湖邊好多飛鳥，好浪漫．
)
)
我地算好彩，今日個 PARK 唔多人，每個 ATTRACTION 只需要等十數分鐘，比起大阪果個 UNIVERSAL STUDIO 一日最多玩三四個 ATTRACTION，
因為每個都要排一兩個鐘既隊．呢度好玩既 ATTRACTION 仲有大白鯊，坐住隻船係個湖度行，突然間條大白鯊衝上嚇你一驚．
)
仲有 TERMINATOR 2 同 ET ADVENTURE，都幾好玩架．
)
行過 WORLD EXPO，外面的牆上面有 SIMPSON 既圖畫，因為遲些會有 SIMPSON 既新 ATTRACTION，宜家裝修緊，唯有係外面同佢地一家影下相啦．
)
)
)
)
行過些少，仲有支可樂既解暑器，有水噴出來，涼浸浸．
)
係 UNIVERSAL STUDIO 梗有 HOLLYWOOD 既招牌啦，
)
呢度既 SHOP，買既野無 DISNEY WORLD 咁吸引，一來無 DISCOUNT，二來 DISIGN 麻麻地，係 SHOP 度見到有個細路女帶住個藍色假髮走來走去，
扮邊個？好似係一個叫 THING 既卡通片裡面既人，不過 LYDIA 戴上假髮之後，就馬上變成狼女．．．
)
呢度仲有個叫 ANIMAL ACTORS 既 SHOW，係一班動物表演，有貓，有特務狗，有白鴒，有雀，有猩猩，有豬，佢地好醒架．
UNIVERSAL STUDIO 裡面，好玩既仲有 TWISTER，係一個廠景裡面，模擬龍捲風既效果，嚇到 d 小朋友呱呱叫．又有個叫 DISASTER 既影片製作， 搵幾個觀眾做臨記，我地最後入了卡地鐵車廂，駛入站，然後又火災，又洪水湧入，好鬼真實，然後，做了一段影片出來，好好笑．還有史力加既 4-D 影片．
睇完史力加，才發覺外面橫風橫雨，好彩早有準備，帶備雨傘同雨衣，不過，見到其他人好狼狽，佢地仲著住背心，短褲，果陣時溫度已經由廿幾度 降到落十幾度．因為之前聽司機講，星期二會開始轉凍，一早著定外套．
因為落雨關係，晚餐係 CITY WALK 裡面既餐廳食，突然醒起原來約了十點的車，仲有成粒鐘，行商店都唔係辦法，唯有去了 STARBUCK 飲杯野，LYDIA？ 訓一陣先啦．
2008年2月27日 - 第六日
)
)
今日既目的地係 ADVENTURE ISLAND，早上同樣的九點鐘車，去到差唔多十點，天朗氣清，好運！
)
)
經過昨晚餐廳附近商店門口的木椅，很美呢，拿拿聲叫 LYDIA 埋位，ACTION！
)
)
)
)
)
係呢邊機動遊戲很多，仲有係好激果隻，嚇得 LYDIA．．．
)
)
再過少少，便是卡通湖，呢度又係有 BETTY BOOP，LYDIA 即刻衝入去，愛不惜手．．．
)
)
)
入到 JURASSIC PARK，)
是比較多人的一個，排隊玩翼龍飛車，差唔多半個鐘，無他既，一架車只可以載兩個人，一個圈只有三架車，有什麼辦法唔使等咁耐．
不過，坐上去幾好 FEEL．之後，我去了玩個 RIVER ADVENTURE，要坐隻船，最後係黑暗中急速下滑，好在我早有準備，將件雨衣反轉來穿．
)
)
DISNEY 果邊都有個恐龍樂園，呢度個當然係正宗啦，JURASSIC PARK 嘛，不過，恐龍都有兩隻．
)
)
)
另外有一個 TOUR 形式的 ATTRACTION，入去個古廟，有個人講解下古代宙斯的故事，最特別係整個水既隧道，好似紅海咁，之後，
有個水幕既 SHOW，又火又水，都係果 D 野啦．
)
)
係古廟外，諗住影張跳起既相，影來影去，都 CATCH 唔到，無法啦，跳得太快嘛．．．LYDIA 話．
)
又係食 LUNCH 既時間，係呀，都係果 D 野食啦，唔係包，就係 PIZZA，加埋薯條，住多一星期想唔肥都唔得．
)
LUNCH 之後，去打電話約車的 PICK UP 時間，俾 LYDIA 偷影．．．
)
本來想去玩個 HULK 的過山車，不過，怕包都嘔埋出來．算啦．都係行多陣先啦，咁好彩又碰見超級英雄出場，即刻同隊長同雷射人影張相先．
)
)
最好笑都係有個類似狼人既超人，扮果個人個肚大到不得了，簡直笑死人，即時諗起周星星的大內密探零零發裡面，係屋頂同西門吹雪的對話，真係世俗人一廂情願的想法．
)
)
出到門口，發現了松鼠仔，佢地完全唔驚人，你有你影，佢有佢食野．至於個 BACK TO THE FUTURE，相信已經收了皮，或者真的舊得滯，真的 BACK 了．
)
又經過了 MUMMY，碰見了那兩個高佬，睇見佢地真係好 PRO，果日只得十度，好鬼凍！但係佢地無著衫，相比之下，我地特別寒冷．
)
經過呢個 PARK 既 NEW YORK 街頭，真的很 CLASSIC，影多兩張相啦．
)
)
發覺之前仲有一個 SHOW 沒有看，是一個叫 FEAR SHOW，原來是一個真人 SHOW，一早 INTERVIEW 了五個人參加遊戲，仲有現場找些人挑戰，例如放蠍子在頭上，
或者飲勁核突既飲品．
)
係 FEAR SHOW 裡面，唯一最唔令人 FEAR 既一定係坐係我地前面既 BB，你睇佢果兩隻牙仔，幾可愛．
)
在路上，碰見一個人帶著隻大狗，好 CUTE，好可愛．
)
五點鐘，是時候歸家了，在門口，同 LYDIA 玩一下滑浪先，你睇個 POSE 幾 PRO．．．當然係指我既 POSE 啦．．．
)
係 universal studio 走之前，影了幾張相，由 adventure island 影到 universal studio，當然仲有 lydia 個樣啦，返到屋企，再用 software 整了張 panoroma 既相．
睇下係咪好正呢？
)
返到 RESORT，剛好日落，即刻影張日落照先．．．
)
晚餐係 RIVER ISLAND 既餐廳，仲要用 SKYPE 試下打返香港，睇下個質素點，都 OK 架，又平．食完飯，馬上返房收拾行李，準備回家了．
2008年2月28日 - 第七日
)
)
提早了一班機，上到機，LYDIA 打下機，飛機起飛了，再見了奧蘭多．
)
三個小時的飛機，便到了 NEW YORK，窗外遠遠的便是 MAHATHAN 區，高高的一棟便是帝國大廈了．
)
轉機的幾個小時，又到了 FOOD COURT 的 DONUT 店，不過，只是影張相，沒有吃 DONUT，突然想起 RESORT SALE 的一個老套笑話．
DON'T EAT THE HOLE OF DONUT！
)
後記:
在美國，以為好先進，怎知入境的時候，因為電腦問題，延誤了過關時間．過關要快，最好還是穿簡單衣服，沒皮帶，沒拉鏈的外套．入境時，會問有沒有帶食物，無就最好．不過走既時候，見到個女仔同男人，帶住麥記可樂同支裝可樂上機，都無人理．個女仔仲要講電話講到起機先收線，可能，美國佬驚炸彈多過其他野．
TIPS 是總數的 15-20%，不過 WAITER 好 NICE，沒有當面看 TIPS 的數目，可能是 RESORT 餐廳的關係罷．
在這幾天，吃的都是那些 JUNK FOOD，太不健康了，留多一兩星期，真的不敢想像．返到香港，都有段時間驚食麥當當．
住的地方，家裡沒有上網設備，只得去 CLUBHOUSE 同 RIVER ISLAND，有點不方便，不過，可能 RESORT 真的太大了．
真的發覺香港真的很方便和便宜，交通，上網都要平．在美國，是沒有免費的午餐，不過，人就幾 NICE，早上碰面都會 SAY HI 的．去買野碌卡，原來數目少過 USD$50 係唔需要簽名，嘩！如果唔見卡都唔知點算，簽名都唔使學，係咁五十五十咁碌，都幾甘！